Россия Федерациясынынъ Президенти Владимир Путин Дагестан Республикасынынъ Халк Йыйынына республикадынъ Аькимбасынынъ ис орынына тийисли болатаган кандидатларды коьрсеткен.

«Россия Федерациясынынъ субъектлерининъ патшалык властининъ законодательлик (ваькиллик) эм толтырувшы органларын уйгынлавдынъ ортак принциплери акында» деп аталган 1999-ншы йылдынъ 6-ншы октябриндеги 184-нши номерли Федераллык законынынъ 18-нши статьясынынъ 3/2 пункты ман келисли кепте Россия Федерациясынынъ Президенти Владимир Путин янъыларда Дагестан Республикасынынъ Халк Йыйынына Дагестан Республикасынынъ Аькимбасынынъ ис орынына тоьмендеги кандидатларды коьрсеткен:
1. Абдулхаликов Самир Касумовичти – Дагестан Республикасынынъ Сайлав комиссиясынынъ карар кабыллавшы тавысы болган агзасын;
2. Давдиев Камил Магомедовичти – Дагестан Республикасынынъ Халк Йыйынынынъ Председателининъ орынбасарын;
3. Меликов Сергей Алимовичти – Дагестан Республикасынынъ Аькимбасынынъ куллыгын кесек заманга юритуьвшисин.
Сол ок куьн, «Россия Федерациясынынъ Федераллык Йыйынынынъ Федерация Советин кеплендируьвдинъ йорыгы акында» деген 2020-ншы йылдынъ 22-нши декабриндеги 439-ншы номерли Федераллык законынынъ 5-нши статьясынынъ 2-нши кесеги мен келисли кепте Дагестан Республикасынынъ Аькимбасынынъ куллыгын кесек заманга юритуьвши Сергей Меликов Дагестан Республикасынынъ Халк Йыйынына Дагестан Республикасынынъ патшалык властининъ толтырувшы органыннан ваькилине – Россия Федерациясынынъ сенаторынынъ ыхтыярларын беруьв уьшин тоьмендеги кандидатларды коьрсеткен:
1. Джамбулатов Зайдин Магомедович – М.Джамбулатов атындагы Дагестан патшалык авыл хозяйство академиясынынъ ректоры;
2. Ельникова Елена Анатольевна – Дагестан Республикасынынъ Халк Йыйынынынъ Председателининъ орынбасары;
3. Умаханов Ильяс Магомед-Саламович – Россия Федерациясынынъ Федераллык Йыйынынынъ Федерация Советининъ илми, билимлендируьв эм маданият бойынша комитетининъ председателининъ биринши орынбасары.