Республикамыздынъ Каспийск каласы «Zа ВМФ» деген концерт турын йолыкты. Россиядынъ эм Донбасстынъ артистлери Россиядынъ Согыс-Тенъиз Флотын эм СКО-ды яклав ниетте Савлайроссиялык акция озгарды.

Акция Кара тенъиз, Балтийский, Тихоокеанский, Сырт эм Каспий флотилиялардынъ штаблары орынластырылган бес калаларды бийледи. Акцияда солай ок Дагестан Республикасынынъ Аькимбасы Сергей Меликов та ортакшылык этти эм шыгып соьйледи. Оьз соьзин ол Денис Майдановка эм концертте катнаскан баьри яратувшылык коллективлерге каратылган разылык билдируьвден баслады.
– Буьгуьнги сахна коьплеген туьрли яслы аьдемлерди бирлестирди эм олардынъ баьрисининъ де шарага келуьвлерининъ себеби бир – тагы да «Биз бирге!» деген бизим ортак девизди белгилев уьшин.
Буьгуьн россия морякларын – тенъиз пехотинецлерди эм олар ман бирге Миллет гвардиядынъ аьскерлерининъ 126-ншы, 1021-нши бригадаларынынъ аьскершилерин, бизим элимиздинъ тынышлыгын эм бойсынмаслыгын саклавшы спецполициядынъ боьликлерин кутлав эм уьстинликлерди, онъайлыкты йорав уьшин ийги эп, – деди Сергей Меликов.