Юрек телезуьви эм навасызланувы ман тынъладык биз Кремльдинъ Георгиевский залында бизим элимиздинъ Президенти Владимир Путиннинъ Донецк эм Луганск халк республикалардынъ, Херсонский эм Запорожский областьлердинъ Россия сырасына кируьв акында келисуьвге кол салув церемониясын.

Россия Федерациясынынъ Савытлы куьшлерининъ Оьр Бас Командующийи кезекли кере тек залда йыйылганларга тувыл, савлай дуныя ямагатына каратып «Бизим артымызда Дурыслык! Бизим артымызда Россия!» деген Шакырув этти.
Россия Федерация сырасына кируьв акында келисуьвге элимиздинъ етекшиси Владимир Путин, политик эм оькимет аьрекетшиси Денис Пушилин (ДНР), оькимет эм аьскерлик аьрекетшиси Леонид Пасечник (ЛНР), Запорожский областининъ администрация аькимбасы Евгений Балицкий эм Херсон областининъ администрация аькимбасы Владимир Сальдо кол салдылар.
Владимир Путин кол салган указларга коьре йогарыда белгиленген доьрт субъектлер Россия Федерация сырасына кирдилер. Бу косылган ерлерде яшайтаган аьдемлер саны 10 миллионнан артады. Олар оьз келеектегисин юреклери мен сайлаганлар.
Л.Уразаева.