Саьбийлердинъ оьнери бала заманнан алып белгили болады. Соьйтип, Кумлы авыл орта мектебининъ 2-нши классынынъ окувшысы Юнус Кожаев шатраш ойыны ман кишкей заманнан алып кызыксынады. Ол оьз оьнерин район бойынша озгарылатаган шатраш турнирлеринде коьрсетеди. Юнус оьз тенълери мен сынасып, сондай турнирлерде баргылы орынларды алады.

Юнус окымага бек суьеди, боьтен де яманлыкты ийгилик енъетаган эртегилерди. Балалыкта ийгиликке ымтылган кеде келеекте оьзининъ яшавынынъ басына элине пайда этуьвди, инсанларга яхшылык йоравды салар деп ойлайман. Сондай касиетли аьдемлер шынты эм таза юрекли боладылар.
Мен Юнуска келеекте тек уьстинликлер, бийикликлер сагынаман. Ногай халкымыздынъ данъклы увылларынынъ бириси болсын деп йорайман.
Г.Нурлубаева.
Суьвретте: Юнус Кожаев.