Дагестанда кой саклав хозяйстволарында кой козылав кампаниясы белсенли юреди.
Янъыларда Ногай район аькимбасы Мухтарбий Аджеков муниципалитет хозяйстволарынынъ бирисинде орынласкан Баджиган ериндеги кой козылав йорыгы ман танысты.

Козылардынъ аман калувынынъ оьлшеми 80-100 процентине дейим етеди. Дагестан Республикасынынъ Авыл хозяйство министерствосынынъ билдируьвлерине коьре, республика бойынша бу коьрсетимлер оьлшеми 95 процентине дейим етеди.
Кой козылав шагы коькек айынынъ ортасына дейим оьтеек.