Ногай район ерине увыт айынынъ 3-нши куьнинде коьк туьс- ли ярыклары болган бир неше янъы УАЗ-лер кирди. Янъы УАЗ эм бир неше спецкоьликлер ДР бойынша Россия МВД-нан Россия ОМВД-нынъ Ногай районы бойынша полиция службасына киристилер. Энъ коьп янъы коьликлер полициядынъ патруль-пост службасынынъ айырым батальонына берилди. Соны ман бу батальон – 5, ГИБДД боьлиги – 3, дежурный боьлиги 1 коьлиги мен канагатландылар.

Боьликтинъ кесек заманга тургызув изоляторы, солай ок кинологлар службасы да специальлик коьликсиз калмадылар.
Коьлик солай ок полициядынъ уьш уполномоченныйларына шыгарылды эм бир коьлик пен уголовлык излестируьв боьлиги канагатланды.
Боьликке, патруль коьлигиннен баска болып, оперативли-служба аьрекети уьшин аьлиги коьлик ярагы берилди. Белгилев керек, бу коьлик борышларды толтырув, бизим гражданлардынъ яшавын эм савлыгын саклав уьшин баьри керекли затлар ман яракланган.
Боьлик начальниги подполковник Наиб Каракаевтинъ белгилеви мен, Дагестан Республикасы бойынша МВД етекшилиги ягыннан Ногай районы бойынша Россия МВД боьлигине тийисли эс каратылады.
Янъы коьликлер ППСП-тынъ, полициядынъ уполномоченныйларынынъ эм оперуполномоченныйларынынъ ыхтыяр бузувларды аянлавга, алдын шалувга эм ашувга, ямагат йорыкты, яшавшылардынъ кавыфсызлыгын эм савлыгын канагатлавга эп туьзееклер.
Бизим хабаршы.