– ООО «Полоса» проектине усаган проектлер коьплеген ис орынларды туьзбеге амал береди, – деп билдиреди Дагестан Республикасынынъ авыл хозяйство министри Мухтарбий Аджеков.

ООО «Полоса» проекти бек уьйкен инвестициялык, республикамыздынъ Сулейман Стальский ра- йонында бавларды оьстируьв проекти болады. Бу проект 2016-ншы йылдан алып аьрекетин бардырады. Сол заманлардан алып коьплеген бавлар эм мелиорация тармакларынынъ курылыслары туьзилген.
Мухтарбий Аджековтынъ билдируьвине коьре, бу проект тек ис орынларды коьбейтип калмайды, соны ман бирге бюджетке налоглар келими де оьседи эм республика яшавшыларын таза емислер мен канагатлап боламыз.
– Дагестан Республикасынынъ бав тармагында сав инвестициялык авады саклавга оьз колтыклавын патшалык шаралар бек уьйкен ярдамын этедилер, – деп белгилейди аграрлык ведомстводынъ етекшиси.
Солай ок, проект инфраструктуралык канагатлав бойынша да ти- йисли шараларды кабыл этип алады эм аьли де авыл хозяйство тармагында технологиялык аьрекетти оьрлендирер уьшин, коьлик-технологиялык станцияды курув акында ойланылады.