2014-нши йылдынъ навруз айынынъ 18-нши куьни тек Крым Республикасынынъ яшавшыларына тувыл, бизге, россиянлыларга да, бек маьнели куьн болады. Бу куьн Москва каласында Кремльде патшалыклар ара соьйлесуьвге кол басылган. Сол документке коьре, Крым Республикасы эм Севастополь каласы Россия Федерациясынынъ янъы субъектлери болганлар. Крым яшавшылар сол заман сайлавын оьз эркинлиги мен эткенлер, меним эсимде, кайтип олар Симферополь, Ялта, Севастополь калаларынынъ майданларында коьзяслары ман, салютлар ман Аталыгына, тувган ерине кайтканын белгилегенлер. Сол куьнди олар коьплеген йыллар куьткенлер. 8 йылдынъ артында Крым эркинлик алдылар, олардынъ сол куьннен алып орыс тилинде соьйлемеге, оьз ойын айтпага, тынышлыкта яшамага ыхтыярлары бар. Буьгуьнлерде Крым – оьрленип турган республика.

Украина Крым Республикасын оьзининъ Россия ман куьштен алынган ери деп санайды. Бу ердинъ бойсынмаслыгын Куьнбатар эллери де макул этпедилер, олар Россияга эм Крымга карсы санкциялар эттилер. Украина оьз патшалык идеологиясы этип нацизмди коьп заман артта сайлаган. Крымды неше йыллар таптаганлар, йок этпеге шалысканлар, яшавшылар орысша соьйлемеге коркканлар, нацистлер «аьдемшилик», «саваплык» деген соьзлерди билмейдилер.
Буьгуьнлерде де Украина еринде «намыс» деген соьздинъ маьнесин билмейтаган аьдемлер оьз наслыгын коьрсетедилер. Россия ман Украинада этилинип турган спецоперациядынъ бир борышы бар – сол ерде яшайтаган ердеслеримиздинъ кавыфсызлыгын аьжетсизлев, тынышлы гражданларды, саьбийлерди оьлтиретаган нацистлерди токтатув.
Буьгуьнлерде бизим элимизге кыйынлы, ама Россия аьли де бир кере украина ерине тынышлык эм тыныклык аькелер деп шекленмеймиз.
Г.Бекмуратова,
Россия Язувшылар союзынынъ агзасы.