Сизди ак юректен Балаларды коршалав халклар ара куьни мен кутлайман!
Бизим аьр кайсымыздынъ энъ ярык, таза эм ийги эскеруьвлеримиз тоьгеректеги дуныя уьйкен, тоьбемиздеги коьк булытсыз, аьлеметликке ак юректен ынанып, аьр янъы куьнге суьйинетаган балалык шагы ман байланыслы. Бу танъ балалык байрамы бизге, ясуьйкенлерге, биз яс несил уьшин уьйкен яваплылык тутатаганымызды эске салады.

Власть, ямагат эм баьри яны авырыган аьдемлердинъ бас борышы – бизим балаларды акыллы, ийги, билимли аьдемлер этип оьстируьв. Олардынъ, оьзлерин сенимли коршаланганын сезип, яшавда ийги сокпак табувына биз колдан келген баьри затты этпеге тийислимиз.
Бизим район еринде зейинли балалар коьп: музыкантлар, спортсменлер, окув сабаклары бойынша олимпиадалар эм конкурслар, фестивальлер эм ярыслар енъуьвшилери. Олардынъ коьплери, яслыгына карамастан, туьрли республикалык, савлайроссиялык эм халклар ара шараларда, район атын айттырып, йогары уьстинликлер коьрсетедилер.
Балалар савлыгы берк, наьсипли, анъ-акыл яктан оьрленип, эдаплы, ямагатка керекли болып оьскенлери уьшин оьз аьрекети, ян тоьрининъ буйырыгы ман куллык этетаганларга ак юректен разылыгымды билдиремен.
Язлык шагынынъ бу биринши куьнинде сизге, сыйлы балалар, баьри баславларынъызда уьстинликлер, язгы тыншаюв шагын йогары коьнъилликте завыклы озгарганды, янъы дослар эм кыймаслар тапканды, наьсип, суьйиниш эм берк ден савлыгын йорайман.
Дайым да сиз оьз акынъызда ясуьйкенлер яктан каьр шегилгенди эм эс каратувды, суьйимликти эм юрек йылувлыгын сезинъиз.

«Ногайский район» МР администрация аькимбасынынъ ис борышларын толтырувшы Х.Саитов.