«Ногайский район» МР администрациясы сизди оькимет байрамы – Дагестан Республикасынынъ Конституция Куьни мен кутлайды.

Конституция, байыр эркинликти, туьр-ли миллетли эм конфессиялы аьдемлердинъ бирдей экенлигин яклап, армаган да экономикалык эм социаллык политикады бардырув уьшин онъайтлы аьллер мен канагатлап, гражданлык институтлар туьзуьв уьшин негиз салган. Дагестан халкларынынъ бирлигин эм тыпаклыгын беркитуьв уьшин бизим Конституциядынъ куьшли куватлыгын кулланып, биз экстремизм эм терроризм идеологиясына карсы турып болдык.
Бизим Конституцияга таянып, биз ызгы йылларда экономикадынъ динамикалык оьсуьвин, социаллык тармагынынъ армаган оьрленуьвин, районда ийги ямагат-политикалык аьлди канагатлаймыз.
Эм бизим борыш – Дагестаннынъ бас законына сый ман карамага, онда коьрсетилген йорыкларга эм ортак миллетли баалыкларга негизленмеге, дагестаншылардынъ ыхтыярларын эм эркинлигин, Дагестаннынъ, Россиядынъ кавыфсызлыгын канагатлав.
Сизге ден савлык, наьсип, тынышлык, ис болдырув аьрекетинъизде онъайлыкты эм уьстинликлерди йорайман.
М.Аджеков, «Ногайский район» МР администрациясынынъ аькимбасы.