Ногай районынынъ баьри яшавшыларын, Россиядынъ Савытлы Куьшлерининъ ветеранларын эм куллыкшыларын Аталыкты коршалавшысынынъ куьни мен ак юректен исси кутлайман!

Бу – бизим ортак байрам. Оны шашлары агарган ветеранлар да, аьскерлик кеспили аьлиги ердеслеримиз де, танъла аьскер сырасына тураяк ясларымыз да белгилейдилер.

Буьгуьн де тувган ерин сакламага, онынъ кызыксынувларын коршаламага керекти оьз борышы деп санайтаган, яшавы эм куллыгы бир мыратка – бизим уллы элимиздинъ онъайлыгына эм шешекейленуьвине бойсынатаган аьр инсан Аталыгымыздынъ коршалавшысы болады.
Биз Уллы Аталык согысынынъ эм айырым ерде болган кавгаласувлар ветеранларына, Савытлы Куьшлер ветеранларына, аьскершилерине эм кериде турган офицерлерге, элимиздинъ савытланув болымлыгын беркитип, бу байрам куьнинде де оьзлерининъ аьскерлик борышын толтыратаган баьрисине де уьйкен разылык соьзлеримизди каратамыз.
Айырым разылыгымызды биз аьскершилердинъ баьри кыйынлыкларын боьлисетаган эм олардынъ сенимли тиреви болатаган ювыкларына эм кардаш-тувганларына билдиремиз.
Йорайман сизге, сыйлы йолдаслар, тынышлыкты эм онъайлыкты, исте эм аьскерлик аьрекетинъизде уьйкен уьстинликлер, наьсипти, берк ден савлыкты, таьвесилмес куьш-куватлыкты эм сенимликти.
М.Аджеков, «Ногайский район» МР администрациясынынъ аькимбасы.