Сыйлы окытувшылар, педагогикалык исининъ куллыкшылары эм ис ветеранлары!

Сизди «Ногайский район» МР администрациясы, «Ногайский район» МР Депутатлар йыйыны атыннан Окытувшы куьни мен ак юректен кутлайман.
Баьри заманларда да окытувшы – ол тек кеспи тувыл, ол – йогары эм сыйлы атак.
Ногай районынынъ билим тармагында кызыклы педагогикалык коллективлер, аьлемет ийги, яратувшылык пан аьрекет этип, оьз исин суьетаган аьдемлер аз тувыл. Сизинъ колларынъызда бизим ямагатымыздынъ келеектегиси турады, оьзинъиздинъ каныгыслы кыйын салувынъыз бан эм дайымлык яратувшылык излестируьвлер юритуьв мен сиз Россиядынъ интеллект ягыннан акыллы аьдемлерди кеплейсиз.
Сизинъ окувшылар, сизинъ тербияланувшылар буьгуьнде оьз-оьзлерин аямай, йигитлерше бизим элимиздинъ япсарларын коршалайдылар, бизим Аталыгымыздынъ бузылмаслыгы уьшин аьдемде бар энъ баалы – яшавын берип.
Айырым разылык соьзлерге тийислилер педагогикалык исининъ ветеранлары. Олар уьйкен уьлис косканлар бир неше несил ясларды эм кызларды тербиялав эм билим беруьв исине, оьзлерининъ бай сулыбын эм билимлерин буьгуьнги окытувшыларга – бу сыйлы кесписининъ анъ-эдап аьдет-йорыкларын сенимли бардырувшыларына.
Сыйлы окытувшылар!
Сизге кеспинъизге алаллыгынъыз, ис борышларына уьйкен эс карататаганъыз, акыллыгынъыз, аьр балага мектеб, класс кабинетининъ эсиклери эм ян тоьринъизди ашпага аьзирлигинъиз уьшин айырым разылыгымды билдиремен.
Сизге эм сизинъ аьеллеринъизге ден савлыкты эм онъайлыкты йорайман. Янынъыз бан сайлаган исинъиз сизди дайым да суьйинтсин, а окувшыларынъыз янъыдан-янъы уьстинликлерге етиссинлер.

«Ногайский район» МР администрация аькимбасы Д.Эсиргепов.