Сыйлы авыл кыйыншылары, агропромышленность комплексининъ куллыкшылары, аявлы ердеслер!

Сизди кеспи байрамы – авыл хозяйство эм асыллав промышленность куллыкшылар куьни мен кутлайман.
Бу байрам ер уьстинде яшайтаган эм кыйын салатаган, малшылык тармагында куллык этетаган, колларын сувытпай, мал эм ясылшалар оьстируьв эм асыллав ман каьрлейтаган баьрисин де бирлестиреди. Авылда оьз алдына мырат салып, куьш-куватлыгын кайдай болса да ис пен каьрлевши аьдемлер аз тувыл. Тек оларга, тувган ерин таслап, куллык, оьзине эм балаларына ийги яшав излеп кетпесин уьшин ийги аьллер туьзуьв керек.
Ызгы заман бизим оькиметимиз авыл хозяйствосынынъ оьрленуьвине эс каратады. Сонда импортозамещение Программасынынъ туткан орыны да маьнели. Олай деген, бизим алдымызда авыл хозяйство продукциясынынъ сапатлыгын арттырув, производстводы кенъейтуьв эм, оьзек те, авыл кыйыншыларынынъ яшав дережесин коьтеруьв борышы турады. Районнынъ авыл хозяйство тармагын оьрлендируьв уьшин биз баьри куьш-куватлыгымызды салармыз.
Оьз яшавынъызды тувган ери- мизге багыслаганларга оьз кыйынынынъ емислери мен пайдаланувдан суьйингенди ак юректен йораймыз. Сизинъ салган куьш-куватлыгынъыздынъ сырагылары дайым да онъ болсын, ер кургаклыгыннан эм куьшли явын-шашувлардан сизинъ эгин ерлеринъиз аман болсын, а онъыс алувынъыз артык-артыгы ман онъ эм бай болсын. Ден савлык, наьсип эм онъайлык сизинъ аьеллерге! Савбо- лынъыз енъил тувыл, баьримизге керекли исинъиз уьшин!

«Ногайский район» МР аькимбасы Д.Эсиргепов.