Дагестан Республикасынынъ Оькиметининъ Председателининъ орынбасары Абдулмуслим Абдулмуслимов Кизляр районынынъ Речное авылында болган эм емислер мен ясылшалар саклав уьшин мекан курув бойынша «Стимул» СПоК инвестиционлык проектининъ курылысын барып коьрген.

Бу 3 мынъ тонна авыл хозяйство продукциясын саклав уьшин керекли меканды «Стимул» СПоК курады. Ол сонынъ уьшин ДР Авыл хозяйство министерствосы ягыннан материал-техникалык негизин оьрлентуьв уьшин грант алган.
Быйыл сентябрь айында мунда емислер мен ясылшалардынъ биринши партиясы аькелинеек.
Абдулмуслим Абдулмуслимов инвесторга этип турган куллыгы уьшин разылык билдирди