«Россети Северный Кавказ» — «Дагэнерго» ООО Ногай районынынъ филиалынынъ энергетиклери буьгуьнлерде йогары вольтли линияларынынъ теллерин авыстырув, трансформаторларды ерлестируьв эм ярастырув ислерин белсенли юритедилер.

Куьз-кыс айларына аьзирленуьв куллыклары сырасында 3 электротрансформаторлар, 4 электротрансформаторлардынъ корпуслары авыстырылаяк, 8 электротрансформаторлар ярастырылаяк, йогары вольтли линиялардынъ теллери, курыклар салынаяк.
Ярастырув куллыклары район орталыгы Терекли-Мектеб, Калинин, Ленин, Карасу, Кумлы, Уьй-Салган эм Орта-Тоьбе авыллары киргистилген уьш тармак участоклары бойынша оьткерилеек. Сол ислер барысында йогары вольтли линияларынынъ 190 курыклары эм Терекли-Мектеб авыл ишиндеги линиялардынъ 23 курыклары авыстырылаяк.
Ногай районынынъ энергетикалык комплексин модернизациялавдынъ биринши кезеги кутылган сонъ, экинши кезекте муниципалитеттинъ калган авыллары киргистилген баска тармак участокларын модернизациялав ислерине кирисееклер.
Оьткен куьз-кыс айларында кайсы ерлерде коьп технологиялык бузувлар болган болса, бас деп куллыклар сол ерлерде оьткерилип турадылар.
Технологиялык бузувларынынъ коьбиси онъайсыз ава шартлары ман байланыслы.