Биз буьгуьн ясылшады даьмли деп билемиз, ама куьреге аьдемнинъ ден савлыгына да бек пайдалы деп айтадылар специалистлер. Баьрисине де бу емисти ашамага ярамайтаганы акында да билдиредилер олар.

Куьрегеде витамин А бар, олар коьзди оьткир этедилер. Солай ок бу емис канда бар яман холестеринди азайтады, ас казанды, шекти тазалайды. Куьрегеде бар калий юрекке бек ийги болады, суьек тармагы ийги этип оьседи эм оьрленеди, соны уьшин ясылшада баьри минераллык затлар да бар. Соьйтип, куьрегеди ашасанъ, суьеклердинъ авырувларынынъ алдын шалмага болады. Аьдемнинъ бас мыйынынъ ийги ислевине де куьрегеде бар магний мен фосфор демевлик этедилер. Акыл ман байланыслы куллыкта ислейтаган аьдемлерге куьреге бек пайдалы.
Бу емисте бар ретинол эм аскорбиновая кислота туьрли авырувларга карсы турмага амал береди, солардынъ ишинде – рак маразы. Аьдемге писпеген куьреге ашаса, кавыфлы болады. Куьрегединъ япыраклары да пайдалы болады, оларды куьн сайын кайнатып ишпеге керекли. Эгер аьдем бир ерин коьгертсе, сав кешеге куьрегединъ япыракларын сол ерге салып калдырув керек.
Юреги авырыйтаганларга курыган куьреге ашамага керек.