Белгили болган кепте, балалар уьшин эки айда бир кере «Лашын» деп аталган республикалык журналы баспаланады. Сосы куьнлерде онынъ кырк кийик-казан айларындагы кезекли бесинши номери шыкты. Журнал «Мереке-95» деп аталып, белгили ногай язувшысы Куруптурсын Оразбаевтинъ мерекесине багысланган материаллары ман ашылады. Онда язувшыдынъ биографиясы, хабардан уьзиги эм бир неше балалар уьшин ятлавлары.

«Адабиатымызда аты белгили» деп материал толы кепте язувшы Солтахан Аджиковка багысланады. Ога быйыл 75 яс толады. Автордынъ балалар уьшин язылган бир неше ятлавлары да орынласкан. Журнал бетиннен бизим кишкей окувшылар Фазиль Абдулжалиловтынъ ятлавы эм Анварбек Култаевтинъ балалар уьшин кыска хабарлары ман таныспага боладылар.

Оннан баскалай, журналдынъ сосы номеринде окувшылар халкымыздынъ бурынгы йырлары ман эм ногай такпаклары ман танысаяклар. Белгили ногай аьлими Рамазан Керейтовтынъ «Кайсы тукымнансынъ?» деген макаласы да окувшыларды кызыктырмага болаяк деп эсимизге келеди.

З.Шугаипова.