Бойсынмайтаган экспертизасы ман «Спутник V» деген вакцинадынъ кавыфсызлыгы эм пайдалыгы беркитилген.
Ден савлыкты саклав бойынша уйгынлавшыларынынъ илми-методикалык форумында РАН академиги, Н.А. Семашко атындагы Ямагат савлыгы бойынша миллет илми-тергев институтынынъ илми етекшиси Рамил Хабриев прививкадынъ биринши кезегиннен сонъ вакцинадан 69,3%, экинши кезегиннен сонъ 96,2 % пайда болатаганы акында белгилеген.

Сол клиникалык сынав йосыклары эм олардынъ тамамлары комитет тизимине кирген йогары билимли медициналык куллыкшылары эм аьлимлери мен тергелгенлер.
Дуныя бойынша янъы юкпалы коронавируслы маразыннан «Спутник V» биринши вакцина болады. Россиядынъ Савлыкты саклав министерствосы ман сол вакцина уьстимиздеги йылдынъ сары тамбыз айынынъ ортасында эсапка алынган.
Препарат Н.Ф.Гамалей атындагы микробиология эм эпидемиологиядынъ илми-тергев орталыгы эм Россиядынъ тувра инвестициялар фонды ман бирге туьзилген.
Язда оьз ыхтыяры ман прививка этилинген 18 ястан 60 яска дейим аьдемлеринде вакцина тергевлердинъ эки де кезегин оьткен.
Янъы юкпалы коронавируслы маразынынъ аьли бойынша сонъгы билди-руьвлери стопкоронавирус.рф. порталында ерлестирилгенлер.