Фатима Батырова, Ногай орталык больницасынынъ балалар эмленетаган боьлигининъ медсестрасы:

– Баьримизге де белгили ызгы эки йылды биз бир аьлемет аьлде яшап озгарамыз, бир кесекке тойлар да токталган эди, оьли-тириди де йокламага коркынышлы, аьдем-аьдемди коьрсе, аманшылыгын арманда турып, сорайтаган да болдык. Бу куьнге, меним ойыма коьре, сол зыянлы, аьдемнинъ яшав оьмирине кавыфлы маразга карсы тек вакцинация болады. Оьзек те, вакцинация аьдемди толысынша мараздан саклайды деп айтып болмаймыз, бир вакцинада бизди сакламайды, эгер оьзимиз де авырувга айлак ушкары эм енъил карасак. Мен оьзим сол «Кызыл зонада» басыннан алып куллык эттим. Баслапкы куьнлерде мараз оьзлерининиъ дайымлык авырувлары бар аьдемлерге бек кавыфлы болган болса, ызгы заманларда яслардынъ яшав оьмирлерин кыскарткан ерлери де болдылар. Бизге аьр бир аьдемнинъ яшавы баалы, биз баьри куьшимизди де соларды баьледен, оьлимнен куткармага саламыз. Авырувдынъ алдын шалув эмлевден тыныш, сога коьре оьз-оьзимизди саклайык. Мен оьзим бириншилерден биринши болып, коронавируслы маразга карсы вакцинады алганман, Аллага шуькир, бу куьнлерде де сол маразлыларды эмлев еринде ислеп тураман. Аьр бир ногайыма ден савлык, узак оьмирди йорайман.