Дагестан еринде коьлемлик информация амалларынынъ, «Янъы цифровой аьллеринде региональли коьлем информационлык амалларынынъ аьрекети» деп аталып, форумы озгарылды. Бу СМИ форумы уьш куьн узагында озгарылды. Онда федераллык эм регионаллык коьлем информациялар амалларынынъ ваькиллери, айтпага, Москва каласыннан экспертлер эм спикерлер, шыгып соьйледилер.

Оьз соьзин форумда Дагестан Республикасынынъ информация эм баспа министри Умаросман Гаджиев те айтты. «Сондай форумлар озгарув сулып пан боьлиспеге эп береди. Мунда федераллык коьлем информация амаллар ваькиллерининъ айтканларын тынълап, биз СМИ-лердинъ ортак оьрленуьвинде региональлик коьлем информация амалларынынъ туткан орынын токтастырамыз», – деди ол. Онынъ соьзлерине коьре, бас деп СМИ шыгармалары ман пайдаланатаган окувшылардынъ кызыксынувларын эсапка алмага эм оларга артык эс каратпага керек. Сонынъ уьшин информацияды туьрли кепте бермеге тийисли.