Баьри окытувшылар арасында, меним энъ куьшли суьетаган окытувшым бар. Ол – Айгуль Нажмудин кызы Саянова. Мен де, меннен баска окувшылар да оны бек сыйлайдылар. Мен оны сондай куьшли суьемен, неге десе ол оьзининъ исине бек яваплы карайды. Окытувшымнынъ оьз аьели де бар. Ол ян досы ман эки увылды эм кызды тербиялап оьстиредилер.

Айгуль Нажмудиновнадынъ ян йолдасы курылыс пан каьрлейди, уьйкен увылы уьшинши класста окыйды, кишкей увылы экинши класста билим алады, кызы бу йыл мектебке барган. Окытатаган окувшыларын ол оьзининъ балаларындай этип суьеди. Окувшылар да ога дайым ярдам этедилер, онынъ баьри дерислерине де суьйип барадылар, берилген дерис борышларга толы яваплайдылар. Мен окувымды битирип, баска калага окувга кетсем де, сондай окытувшыды бир де мутып болмаякпан.
Баьри окувшыларга да окув йылларында сондай аьруьв окытувшыды йорайман.
Байали Имбетов,
Огузер авылы,
Кизляр районы.