Крымхан Айтувганов, 86 ясында, пенсионер, Терекли-Мектеб авыл яшавшысы:

– Сайлав куьнинде мен 1200 номерли сайлав участогына оьзимнинъ гражданлык борышымды толтырмага деп келгенмен. Мен аьли 87 ясыма аяк басканман. Яшавымнынъ коьп йылларын тувган районымыздынъ халк хозяйствосынынъ маьнели тармакларында ислегенмен. Эндиги 20 йылдан артык заман тийисли тыншаювымда, оьз авылдасларым арасында дин мен байланыслы аьдетлеримизди юритемен.
Мен элимизде яс- уьйкен несилге тийисли сый этилсин, яслар колтыклансын, балалар аявлансын деген ниетим мен сайлавда тавысымды беремен. Патшалыгымызда, республикада эм районда экономикады, билимлендируьв, савлык саклав, маданият тармакларын оьрлентуьв керегеди. Соны ман бирге бизим уллы ата-бабаларымыздан сакланып келген баьри де ийги эм саваплы аьдетлерди асабалыкка алган ислам динимизге де демевлик этпеге борышлымыз.
Суьвретте: К.Айтувганов.