Кизляр районында «Кала ерининъ онъайлыгын кеплендируьв» программасынынъ «Турак уьй эм кала ери» деген миллет проекти бойынша балалар уьшин ети майданлары курылып басланган.
Ойын майданлары Крайновка, Красный Восход, Юбилейное, Карл Маркс, Краснооктябрьское, Новомонастырское, Первомайское авылларында салынаяклар. Объектлер бу йылдынъ яз айларынынъ ишинде кулланувга берилеек. Подрядлык куллыкларын «Кавказ-строй» ООО и «Аудит-сигнал» ООО озгарадылар.
Кизляр районынынъ аькимбасы Аким Микировтынъ соьзи мен, балалар майданында кавыфсыз болган туьрли туьсли шенъилшеклер, кишкей саьбийлер уьшин тыгырув тоьбешиги салынаяклар. Майданда, баска болып, белсенли яслар уьшин спорт тренажерлары да ерлестирилеек. Эки участоклары да юмсак резин негизли болаяклар. Олтырмага олтыргышлар эм олтырмага беседкалар да ярастырылаяклар. Орамлар ярык пан, тоьгерек як ясыл оьсимликлери мен онъайланаяклар.
Программадынъ ярдамы бойынша муниципалитетте йыл сайын янъы ямагат эм тыншаюв ерлери онъайланып келедилер.
Белгилеп озайык, 2020-ншы йылдан алып районда балалар уьшин 21 ойын майданлары курылганлар, муниципалитет етекшилеви алдында келеекте де федераллык проектинде катнасувды бардырмага борышы салынган.