Куьнбатар авылында

Дагестан Республикасынынъ Ногай районынынъ Куьнбатар авылында язлык байрамы озды. Йыл сайын навруз айдынъ ызында туьрк халклар Навруз байрамын белгилейдилер.
Озган юма сонъгы куьн Россия халкларынынъ маданият асабалыгынынъ йылына багысланып, Куьнбатар авылында Ногай район эм ерли администрацияларынынъ коьтергишлеви мен атшабыс оьтти. Ызгы йылларда бу оьзгерис авылда ийги аьдет болып калды.

Быйыл атшабыс спонсорлары болып ООО «Аскор АгроТрейд», ООО «Экопрод», СКФО-да РФ ДУМ-нынъ толы ыхтыярлы ваькили, «Батыр» туькени, «ТехноФермер» ветаптекасы, Куьнбатар авылынынъ активистлери эм фермерлери шыктылар. Атшабыстынъ енъуьвшилерине баргылар тапшырылды.
Куьнбатар авыл администрациясынынъ аькимбасы Замид Яриков тынышлык эм ийгилик байрамынынъ уйгынлавшыларына эм катнасувшыларына оьз разылыгын билдирди.
Г.Бекмуратова.
Суьвретте: байрамнан коьринис.