Янъыларда Астрахань областининъ Приволжский районынынъ Карагали авылынынъ орта мектебинде Халклар ара ана тил куьнине багысланып ногай тилининъ юрт ногай диалектинде биринши диктанты язылды.

Диктантты «Эдиге» деген регионаллык ногай ямагаты, «Ногай юрт» ямагат организациясы эм «Ак Кобан» деген организациядынъ Астрахань каласындагы боьлиги уйгынлаган эдилер. Бу белгили оьзгерис болып калмай, солай болып, бу диктантка текст эсабында биринши ногай язувшысы, драматургы, юрт ногайы, Карагали авылынынъ яшавшысы Басир Абдулиннинъ «Байлык эсириклигинде» деген шыгармасыннан уьзиги алынган эди. Юрт-ногайларында ногай тилди, маданиятты оьрлендируьв эм саклав мырат пан бу акция келеекте де йыл сайын болып озгарылмага тийисли, деп белгилейди тарих дерисиннен окытувшысы Амир Мусаев.
Суьвретте: ана тилиннен диктант язылув мезгили.