Уьстимиздеги йылдынъ кырк кийик айынынъ ишинде Ставрополь каласынынъ Ленин атындагы майданында Ставрополь крайынынъ Нефтекум кала округы бойынша Коясыл эм Тукуй-Мектеб авылларынынъ социал-маданият биригуьвлерининъ коллективлери Ставрополь крайынынъ куьнине багысланган байрамында ортакшылык эттилер.

«Алтынай» деген халк ансамбли оьзининъ яратувшылык программасын коьрсетти. Менлали Отакаев эм Рафаэль Исаев «Домбыра», «Ногай Эл» деген ногай миллет йырларын эм анъларын домбыра саз алаты́нда ойнап, йырлап эситтирдилер эм, солай болып, ногай халкынынъ юрегин коьтердилер.
«Поиск» деген тарих клубынынъ катнасувшылары ногай термесин ярасыклап кеплендирип эм миллет аслары ман сыпырады аьзирлеген эдилер.
Каясула авыл маданият уьйининъ кол усталыгынынъ санияты бойынша кружокларынынъ катнасувшылары оьз коллары ман аьзирлеген юннен ислерин, айтпага, дорбаларын, шонтайларын, кыскаяклылар ярасыклавларын эм сондай баска затларды коьрсеттилер. Ярасыкланган термединъ иши баьрисининъ де эсин оьзине каратты, байрам катнасувшылары келген конакларды ийиси буркырап шыккан ногай шай ман, туьрли миллет аслары ман эм занъыраган шоьл йырлары ман хош алдылар.
Соьйтип, байрам куьни йогары коьнъилде оьтти.
Суьвретте: шара катнасувшылары.