Червленные Буруны авылында Хатын-кызлар совети китапхана куллыкшысы Г.Кульгишиева, СДК методисти К.Салибаева ман биргелесте окытувшылык тармагынынъ ветеранлары ман йолыгыс озгарды. Авыл окытувшылар-ветеранлары С.Муталимовты, Ю.Кутиль- гереевады, А.Саидовады, О.Муталимовады, А.Амель- чановады авыл окув залында хош алдылар, уьйкен сый эттилер.
Окытувшыдынъ эткен иси бек маьнели эм кыйынлы. Олар балаларга билим мен косып, оьз суьйимин бередилер, олардынъ аьрекетининъ аркасы ман инсанлардынъ энъ де ийги касиетлери кепленедилер.
Коьтеринъки коьнъил мен оьтти окытувшылар ман йолыгыс. Конакларды авыл администрация, больница, школа, Хатын-кызлар советининъ куллыкшылары кутладылар. Окытувшылар-ветеранларга концерт программасы коьрсетилди. Оьзининъ занъыраган сеслери мен сукландырдылар конакларды йырлавшылар А.Абдулжалиев, С.Абдулсаламова, А.Кульги- шиева. А.Байгазиевадынъ етекшилеви астында аьрекетлейтаган биюв ансамбльдинъ катнасувшылары биювлер коьрсеттилер. С.Муталимов эм Ю.Кутильгереева туьрли йылларда авыл советининъ председатели болып ислегенлер, олар авылдынъ яшавы ман каьр шеккенлер. Яшавшылардынъ аьр бир тилегине маьне бергенлер, баьри оьзгерислерде де катнасканлар. Бизди, окытувшыларын, оьз авылын, аталыгын суьйип, ерине, халкына пайда аькелип уьйреткенлер. Сол заманда яслар ман коьп йолыгыслар озгарылатаган эди, маьне берилмеге керек ерлерге рейдлер этилинетаган эди.
Мен баьри окытувшыларды да озган байрам ман кутлап, эткен исинъиз уьшин разылыгымды билдиремен.
Келген конаклар йолыгысты уйгынлаганларга савбол айттылар, куллыгында уьстинликлер йорадылар.
Б.Заракаева,
Червленные Буруны авыл яшавшысы.
Суьвретте: йолыгыстан коьринис.