Ведомстводынъ пресс-службасынынь белгилеви мен, Ногай район прокуратурасынынъ токтасына коьре, ерли администрация сакат кыз окыйтаган М. Курманалиев атындагы Куьнбатар авыл орта мектебин пандус пан канагатлады. Прокурор тергевлерининъ тамамында окув меканына кируьв ерде алынып салынатаган эм коралавы болмаган пандус ГОСТ талаплавларына келиссиз, деп токтастырылган эди. Мектеб етекшисине 9.13 РФ КоАП статьясы бойынша (сакатларга социаллык объектлери тармакларына етисуьвде онъайлыкты канагатлав бойынша талапларын толтырувдан басын алув) деген административлик производствосы каралган. Баска болып, аьл муниципалитет аькимбасына да ашыкланып коьрсетилген.
Сырагысында пандусты токтастырув уьшин окув йылдынъ басында администрация ман 150 мынъ маьнет акша шыгарылды.