2020-ншы йылдан алып Кизляр районында авыл ерининъ сапатлы оьрленуьвининъ борышларын шешилуьвине каратылган бир неше федераллык эм регионаллык программалары яшавга шыгарылып келедилер.
Балалар бавларынынъ эм мектеблерининъ капиталлык ярастырылувы, спорт курылысларынынъ, ФАПларынынъ, авыл ишиндеги йолларынынъ, паркларынынъ, балалар уьшин ойын майданларынынъ курылысы белсенли барады. 2020-ншы йылдан алып Кизляр районында авыл ерининъ сапатлы оьрленуьвининъ борышларын шешилуьвине каратылган бир неше федераллык эм регионаллык программалары яшавга шыгарылып келедилер. Баьри озгарылатаган ислери де Кизляр район етекшилевининъ, депутатларынынъ, атааналардынъ, ямагаттынъ тергеви астында юритиледи. Аьлиги заманда билимлендируьв ошакларында капиталлык ярастырув бойынша программасы яшавга шыгарылатаган тогыз мектеблеринде ислер тамамланып барадылар. Куьн сайын окув йылынынъ басланувына мектеблерининъ аьзирлиги тергеледи. Баска болып, сол программа бойынша меканлар, класслар янъы муьлк эм оргтехника ман канагатланаяклар. – Авылда яшав сапатын коьтерер уьшин, болган амалларды кулланып, алдымызга салынган борышларды толтырып келемиз. Районнынъ коьплеген мектеблери курылган меканларында ерлескенлер. Балаларымыз онъайлы эм кавыфсыз аьллерде билим алмага кереклер. Уьстимиздеги йылдынъ ишинде федераллык программасы бойынша тогыз мектеблерининъ окувшылары Билим куьнинде ярастырылган, таза эм ярык классларына келсин деп, коьп куьш салынады. Келеек йылда федераллык программасы бойынша Кизляр районында аьли де бес мектеблери ярастырылаяклар. Район мектеблеримиздинъ коьбиси патшалык проектлерининъ катнасувшысы болсын, деген борыш алдымызда турады. Сол зат окытувшыларымыз эм окувшыларымыз уьшин онъайлы эм аьлиги заманга келисли аьлин туьзбеге амал береек, – деп белгилейди район аькимбасы Аким Микиров.
