Янъыларда, увыт айынынъ 3-нши куьнинде, Ногай район орманлык хозяйствосы еринде «Орманлыкты сакла- йык» деп, Савлайроссиялык язлык акциясын озгарувга киристи.

«Орманлыкты сакла- йык» шарасы – ол орманлыклар бийлеген ерлерин арттырув эм барларын саклав бойынша йыл сайын озгарылатаган савлайроссиялык акциясы. Бу акция озгарылув мезгилинде тек тереклер шашылып калмай, орманлыклар ерлерде кыс узагында йыйылып калган кокыслар да йыйылып тасланады.
Бу шарада окувшылар, предприятиелер эм организациялар куллыкшылары, байыр предпринимательлер, солай ок район яшавшылары да ортакшылык этееклер. Айтпага, буьгуьн Ногай орманлык хозяйство куллыкшыларына кокысты тазалап таславда Терекли-Мектеб орта мектебининъ 8-нши класслар окувшылары ярдамластылар. Олар 72 кокыс кыралларын йыйдылар, туьс мезгилиннен сонъ, оларга тагы да эки класс окувшылары косылдылар.
Орманлык фондынынъ бу ери Терекли-Мектеб авылы ман айланыш йол беттен япсарласады. Белгилев керек, бек авыр участок. Авыл яшавшылары кокыс йыйып таслав бойынша коьлиги мен тез-тез канагатланмайтаганы, кайбир намысы осал яшавшылары каранъа мезгилинде орманлык йолаклары бойы кокыс таслайтаганы орын табады.
Бизим бу баславымызды Ногай район администрациясынынъ билимлендируьв боьлигининъ етекшиси Алтын Агаспарова, Россия ОМВД-нынъ Ногай районы бойынша начальниги Наиб Каракаев яклайдылар. Бизим организация атыннан оларга уьйкен разылыгымды билдиремен. Бек сенемен: тереклер шашувдай сондай ийги ниетли акцияды районымыздынъ баска организациялары да тезден якларлар.
Ф.Дикинова, Ногай орманлык хозяйствосынынъ директоры.