Йылсайынлык савлайроссиялык «Орманлыкты саклайык» экологиялык акциясы Россия еринде энъ уьйкен шаралардынъ бириси болады. Быйылгы акциядынъ борышы – 80 миллион тереклер олтыртув.
«Орманлыкты саклайык» савлайроссиялык акциясы мине доьрт йыллар бойы «Экология» миллет проектине коьре озгарылады. Онынъ уйгынлавшылары – «Сад памяти» АНО, РФ Табиат ресурслар эм экология министерствосы, Орманлык хозяйствосынынъ федераллык агентствосы. Шарады оьткеруьвге Президентлик грантлар фонды ярдамын тийгистеди.
Акция савлай Россия Федерация еринде 2022-нши йылдынъ куьз шагында орманлык-культуралар шашув мезгилинде оьтеди. Орманлык – планета оьпкелери эм бизим шет-кырыйсыз элимиздинъ бас байлыгы. Йыл сайын орманлыкка каты ава шартлар аьллери эм аьдем колларыннан уьйкен зыян келтириледи. Бизим орманларга алган «яраларыннан» сав болмага тек биз коьмек этип боламыз, неге десе Россия табиаты уьшин биз, аьдемлер, яваплымыз.
Россияда «Экология» миллет проекти аркасы ман тек орманлыкларды саклав бойынша куллык юритилмейди, ол сийрек расатаган айванлар санын оьстирмеге, солай ок йылгалардынъ эм коьллердинъ экологиялык аьлин ийгилендирмеге себеплик этеди.
Бу акция барысында районда 50 гектар майдан ерде куьзги орманлыкларды кайтадан тургызув ислери эм 100 гектар майдан ерде карагаш (вяз) тереклерин шашув планга салынган.
Ногай районынынъ баьри яшавшыларын «Орманлыкларды саклайык» акциясында ортакшылык этпеге шакырамыз.
Ногай районында савлайроссиялык «Орманлыкларды саклайык» акциясы 2022-нши йылдынъ 28-нши октябринде оьтеек. Тереклерди олтыртувда ортакшылык этуьв уьшин баьрисин де орманлык хозяйствосынынъ конторасы касында сол куьн эртенъги 9 саьатте куьтемиз.
Ногай орманлык хозяйствосы.