Дуныя тарихиннен биз сав эллерди эм халкларды кырган коьп туьрли юкпалы маразлар акында билемиз. ХХ оьмирдинъ басланувы ман медицина тармагы соларга карсы вакциналар шыгарып эм кулланып баслады. Сонынъ сырагысында дуныяда, боьтен де бизим элимизде, коьп юкпалы авырувларды токтатпага амал табылды. Бизим аталык илми аьлиги заманда да эндигиси буьгуьнги юкпалы мараз – коронавируска карсы ийги эм сапатлы вакциналар шыгарувда дуныяда алдышылыкты алып келеди. Солардынъ арасында энъ де ийги деп «Спутник V» россия вакцинасы саналады.

Бу вакцинадынъ акында оьз ойы ман Ногай район администрациясынынъ Ямагат палатасынынъ председатели Эльмурза Саитов боьлиседи.
– Элимиздинъ яшавшылары ман юриткен быйылгы тувра линия аьсеринде Россия Президенти Владимир Путин оьзине «Спутник V» вакцинасын суктырганы акында билдирген. Патшалыктынъ басшысы прививкадан сонъ онынъ шаркы коронавируска карсы йогары оьлшемде коршаланган деген. Ол соны ман бизге де сол вакцина ман прививка эттиринъиз деп маслагат берген. Путин коронавируска карсы коьп заманга дейим коршаланмага суьйип, сонынъ уьшин «Спутник V» вакцинасын сайлаган.
Мен, тек янъыларда бу вакцинадынъ эндиги экиншисин суктырдым эм сол куьн ок Хасавюртта Дагестаннынъ Сырт зонасы бойынша оьткен ямагат палаталар етекшилерининъ кенъесине кеттим. Сонда аман-эсен бардым эм кайттым, коьресиз, савлыгым аьруьв. Мен баьрине де оьз врачларынынъ маслагатларын тынъламага эм прививкады тийисли йорыгы ман эттирмеге кенъес этемен.
Оьзим прививка эттирип калмай, солай ок уьйимдегилерди, кардаш-тувганларды да вакцинацияды оьтпеге шакырдым. «Спутник V» вакцинасын суктырсанъыз, сиз ийги кепте эм коьпке дейим юкпалы мараздан сакланарсыз, – деген газетамыздынъ хабаршысына Эльмурза Саитов.
Суьвретте: Э.Саитов.