Мине бир неше йылдан бери бизде бек аьруьв аьдет болып, окув йылы басланаяктан алдын, Россия Федерациясынынъ япсарларында ведомстволар ара «Окувга бармага коьмегинъди эт» деген акция озады. Бу акциядынъ бас ниети – социаллык ярдам керексинетаган аьеллердинъ балаларын янъы окув йылына аьзирлендируьв.

Акцияда бизим Ногай районымыз да, сонынъ ишинде «Ногайский район» МО-дагы КЦСОН, ясы етпегенлер ислери эм ыхтыярлары бойынша комиссиясы, билимлендируьв управлениеси, ясы етпегенлер ислери бойынша инспекторлары эм баска структуралар ортакшылык этедилер.
Акция барысында, социаллык ярдамында керексинетаган аьдемлер мен ис аьрекетин бардыратаган тармакларынынъ куллыкшылары биргелесип, район бойынша рейдлер озгарыладылар, кыйынлы аьллерге калган аьеллерге барып, тергеледи. Солай ок, ата-аналар ман да хабарласувлар юритиледи, аьлиги кыйынлы заманларда санитар-эпидемиологиялык кавыфлыктан сакланув кереги акында да эслерине салынады.
Алдымыздагы Янъы окув йылына аьзирлик коьруьвде «Ногайский район» МО-дагы ДР ГБУ КЦСОН куллыкшылары ман Ногай районымыз бойынша социаллык ярдамда керексинетаган 36 балага окув йылды баслав уьшин керекли алатлар алынып берилди. Бу ярдамды этпеге Кадрия атындагы орта мектебининъ окувшы-волонтерлары Руфат эм Булат Толубаевлер оьз уьлислерин костылар.
М.Абубекерова, КЦСОН куллыкшысы.
Суьвретте: «Окувга бармага коьмегинъди эт» акция катнасувшылары.