Дагестаннынъ Аькимбасы Сергей Меликов «Сириус» билимлендируьв орталык модели бойынша балалардынъ эм «Альтаир» ясларынынъ оьнерлерин аянлав, яклав эм оьрлендируьв региональлик Орталыгын курувга регион етекшисининъ Тарки-Тауда 14 гектар майданлы резиденция ери мен пайдаланмага ыхтыяр берди. Орталыкта ай сайын 200 бала окыяклар. Аьли республика Правительствосы 240 орынга эсапланган окув корпусынынъ эм ортак турак уьйлердинъ проектлерин кеплейди. Бу курылыс объектлер кулланувга 2022-нши йылдынъ сентябрь айында берилмеге планланады.

Орталыкта ай сайын 200 бала окыяк. Окув аьрекети илми, саният эм спорт бойынша тегин юритилеек. Солай ок окувшылар уьшин математика, физика, биология, экология, робототехника эм сондай баска илмилер бойынша окув дерислери озгарылаяк. Окувшылар республикадынъ баьри муниципалитетлери бойынша айырылып алынаяклар. Окув аьрекети сменалар ман эм туьрли класслар уьшин юритилеек.
ДР Билим эм илми министерствосынынъ пресс-службасы.