Дагестан Аькимбасы Сергей Меликов РФ Оькиметининъ Председателининъ орынбасары Александр Новактынъ Сырт-Кавказ федераллык округынынъ регионларынынъ етекшилери мен оьткерген йыйынында республикадагы уьйкен маьнели проектлерин яшавга шыгарувдынъ статусы акында хабарлаган.

Эртеректе билдирилгенлей, Дагестанда бес уьйкен маьнели инвестиционлык проектлери яшавга шыгарылмага каралады. Солар: «Каспий кластерин оьрлентуьв», «Емис эм ясылша кластерин оьрлентуьв», «Аяк кийим каласы» деген стратегиялык проектин яшавга шыгарув», «Сисе промышленность кластерин оьрлентуьв», «Махачкала» аэропортын кайтадан ярастырувдынъ экинши кезеги» деп аталган проектлер боладылар. Меликовтынъ айтувы ман, бу проектлердинъ яшавга шыгарылувы ман республика ювыктагы йылларда промышленностьти, АПК-ды, туризм мен курылыс тармакларын оьрлентуьвди байланыстырады.
Дагестан Аькимбасы оьз соьзинде бу ислерди тезлетпеге амал береек бир неше кенъеслер айткан. Сол кенъеслер ишинде проектлерди карыжлавдынъ янъы булаклары, емис тереклер питомник- лерин эм емис бавлар оьстируьв аьрекетин оьрлентуьвди колтыклавды кенъейтуьв, промышленность предприятиелерине техника сатып алувга ярдамды арттырув эм баскалары акында айтылып белгиленген.
Айтылган кенъеслер эс берилип тынъланган эм федераллык властининъ профильли органларына соларды колтыклав маслагаты ман йиберилген.