Юма басында 16-ншы январьде, Дагестан етекшиси Сергей Меликов республика экономикасынынъ берк оьрленуьви бойынша Оперативлик штабынынъ кезекли кенъесин озгарды.

Онда бюджет амаллары эсабы аркасы ман объектлерининъ курылысынынъ барысы эм капиталлык ремонт ислерин озгарув ман байланыслы соравлар каралды. Айырым сорав этилип ортага салынып каралды 2022-нши йылда налоглар бойынша борыш болып калган амалларды тоьлетуьв бойынша суд пан алынган карарлардынъ, солай ок Махачкала каласында законсыз салынган меканларды эм сооружениелерди тайдырув бойынша суд пан кесилген карардынъ яшавга шыгарылувы.
Дагестаннынъ Курылыс министерствосынынъ билдируьви мен, 2022-нши йылда республикада 225 социаллык маьнелиги болган объектлерининъ проектлери туьзилген эм курылысы юритилген. Соны ман бас проектлер бойынша коьрсетимлерге толысынша етисилген. 42 билимлендируьв эм 66 курылыс-коммуналлык хозяйство объектлери курылган эм янъыртылган, курылысы тамамланмаган объектлер план бойынша 2023-2025-нши йылларга коьширилген.
Курылыс министерство етекшисининъ борышларын толтырувшы Александр Нестеров шыгып соьйлевинде янъы инфраструктурасын туьзуьвди эм алдынгыларды янъыртувды маьнели борыш деп белгиледи. Онынъ айтувы ман, 2022-нши йылда Дагестан еринде «Таза сув» федераллык проекти яшавга шыгарылган, РФ-нынъ «Сырт-Кавказ Федераллык Округынынъ оьрленуьви» оькимет программасы ишинде инфраструктурады оьрлендируьв бойынша куллык бардырылады.
Республика экономикасын берк оьрлендируьв бойынша бардырылатаган аьрекет уьшин яваплылык тутувшы аьдемлерге тийисли тапшырмалар берилди.
Солай ок Дагестан етекшиси Сергей Меликов ДР Правительствосында, кадрлар авысканы эм янъылары салынганы ман байланыста карарлар кабыл этилинип, туьрленислер болганын билдирди. Бу карарлар, субъект етекшисининъ ойына коьре, министрлер кабинетининъ куллыгынынъ пайдалыгын арттырмага керек.