Россия МВД-нынъ Кизляр районы бойынша полициядынъ ясы етпегенлерининъ иси бойынша инспекторлары «Оьлим кайда сатылады, билдиринъиз!» деген акциясы бойынша Кизляр районнынъ мектеблеринде окувшылар ман хабарласувлар юриттилер.

Шарадынъ барысында окувшылар оьспирлердинъ ден савлыгын наркотиклер зарарлавы акында видеороликлерин карадылар.
Баска болып, полиция куллыкшылары окувшылар ман ясы етпегенлердинъ арасында наркоманиядынъ яйылувынынъ алдын шалувына каратылган амаллары эм олар ман наркотик эм психотроплык амаллары ман байланыслы болган кыянатлык аьрекетине аькелген фактлары аянланувы акында кенъестилер.
Солай болып полиция куллыкшылары оьспирлердинъ эслерин ыхтыярды саклав органларынынъ ясы етпегенлер арасында наркотикли амалларын яйылдырувынынъ алдын шалувы бойынша исине де караттылар.
Олар окувшыларга наркотиклер мен байланыслы кыянатшылыкларынынъ аьзирленуьви яде олардынъ этилуьви акында тез болып 02, 3-03-20 эм 8(800) 2000-122 телефонлары бойынша билдирмеге тиледилер.
Суьвретте: шарадан коьринис.