Аьскер сырасына шакыртылган яслар, келеектеги аьскершилер, военкоматтан шыгып, йыйылув пунктына бармага тийислилер. Сол пунктта неше куьн турмага керегин аян айтып болмайсынъ – ол бир куьннен бир юмага дейим созылмага болады.
Призывниклер аьскерлик боьликлер мен ерлестириледилер. Оьз боьлигине призывник поезд пен етпеге тийисли, сол болжалга онда кериге салынган акшасы, ас-сувы болмага керек.
Бу енъиллик пен этпеге болаяк затлардан баска, аьскерлик службасына кетеяткан яслар оны оьткенлердинъ кайбир маслагатларына да эс каратпага кереклер. Айтпага, медкомиссияды алдын шалып оьтуьв уьшин призыв ювыклаганда ок военкоматка кешиктирмей барув керекли. Оннан баскалай, аьскер сырасына туьсеектен алдын эр аьдемлер кийимнинъ йыртылган ерин ямап, уьзилген саьдеп тигип уьйренмеге тийисли.
Аьскер сырасында куьн сайын физзарядка, ювырув-ыргув эм баска кеплер бойынша спорт шаралар озгарылады. Коьплеген Россия призывниклери, сонъында аьскер сырасына туьсип, бу яктан ийги коьрсеткишлери бар деп мактанып болмайдылар.
Болаяк аьскершидинъ оьз юги мен спорт дорбасы яде рюкзагы да болады. Аьскерлик службасынынъ оьтуьвин енъиллетуьв – яслардынъ оьз колларында. Олар службады оьткен ясуьйкен йолдасларынынъ маслагатларына да эс каратпага боладылар.