Оьткен юма Ногай район администрациясында район Депутатлар йыйынынынъ кезекли 59-ншы сессиясы болып оьткен.

Сессияда Ногай район Депутатлар йыйынынынъ председатели Рустам Байманбетов, муниципалитет аькимбасы Джамалутдин Эсиргепов, авыл аькимбаслары, район депутатлары катнастылар.
Сессиядынъ куьн йосыгы ман депутатларды Рустам Байманбетов таныстырды эм соны олар кабыл этип алдылар.
«2023-нши йылга эм план кезегиндеги 2024-2025-нши йылларга «Ногайский район ДР» МР бюджетине туьрленислер киргистуьв акында» деп аталган сорав бойынша район администрациясынынъ Финанс боьлигининъ начальниги Арслан Кусегенов шыгып соьйледи. Онынъ докладын тынълап болып, депутатлар тийисли карар алдылар.
Муннан сонъ район парламентарийлери бир тавыстан район етекшисининъ Дагестан Республикасынынъ Председателинининъ Биринши орынбасары Руслан Алиевке Ногай районынынъ Сыйлы гражданини деген атты беруьв акында тилегин де кабыл эттилер.
Сессиядынъ куьн йосыгы бойынша Ногай район администрациясынынъ муниципаллык муьлкининъ боьлигининъ начальнигининъ куллыгын юритуьвши Арсен Сабутов депутатларга участоклары ман бирге турак уьйлер гражданлар А.Менласановка, А.Аджигельдиевага, К.Шуйнша- лиевага байырлыкка берилуьви акында билдируьв этти. Соны ман бирге ол авыл поселениелерине авыллардынъ япсарлары акында ЕГРН-ге туьрленислер киргистуьв бойынша ыхтыярларды беруьв эм Ногай районы ишиндеги айырым кепте сакланатаган ерлер акында положениеди беркитуьв акында хабарлады.
Сессияда муниципалитеттинъ социал-экономикалык оьрленуьви акында кыска билдируьви мен район аькимбасы Джамалутдин Эсиргепов соьйледи.
Бизим хабаршы.