Сыйлы ердеслер, аявлы кыскаяклылар, кыймаслар, аьптей-синълилер!
Баьри заманларда да Элимиз уьшин авыр сынавлардан оьтпеге туьскенде, оны коршалавга бизим эр йигитлер – ян косакларымыз, аталар, аданаслар, увылларымыз турганлар. Бизге, кыскаяклыларга – олардынъ алал косакларына, аьптей-карындасларына оларды яклав керек. Районнынъ Хатын-кызлар совети, Ногай районынынъ яны авырыган яшавшылары «Zа наших» деген акциясын уйгынлайды. Онынъ катнасувшылары бизим ясларга гуманитарлык коьмек йыюв акында карар алынды. Буьгуьнге биз парахат олтырып, СВО сырагыларын куьтип болмаймыз. Тыл дайым да коьп затларды шешкен. Тылдынъ ийги туьзилген исининъ аркасы ман биз Уллы Аталык согысында енъгенмиз.

Бизим яслар билсинлер: олар ялгыз тувыл, бар оларды ак юректен яклавшы аьдемлер. Биз олардынъ анъсыздан аьеллериннен, уьйренген аьдеттеги яшав барысыннан айырылганды бираз сама енъиллетуьв мыратта олар касында «болайык»: олай деген, оларга яшавда керекли кийим (йылы шораплар, колгаплар, боьрклер, термобелье эм с.б.) йыюв ман каьрлейик.
Алдыда – сувык кыс заманы. Колдан келген коьмегинъизди этпеге тилек саламыз.
Биз толы болмаган мобилизация процедурасы бизим оькиметимиздинъ суверенитетин эм территориаллык бирлигин коршалавды талаплайтаганын анъламага керекпиз. Бу акция озгарылатаганын билдирмеге де тилек саламыз, йыюв пункты «Ногай Эл» балалар бавынынъ эм район архивининъ меканларында 20-ншы октябрьге дейим озгарылатаганын билдиремиз.