Султан Хамзаевтинъ белгилеви мен, Сергей Меликов аьдемлерди тек эситип эм тынълап калмай, авыр шакырувларына аьзир экенин коьрсетип, республикадынъ маьселелерин шешип болатаганын аян коьрсетти.

Янъыларда Россия Президенти Владимир Путин мен Дагестан Аькимбасынынъ куллыгын кесек заманга юритуьвши Сергей Меликовтынъ видеоконференция байланысы аркалы йолыгысы уйгынланып озды. Йолыгыста олар республикамыздагы ызгы йыллар ишинде болган актуальли маьселелери бойынша кенъестилер. Дагестан Аькимбасынынъ бу бек кенъ маьнели эм йогары кеспили докладларынынъ бириси эди, – деди «Трезвая Россия» деген Федераллык проектининъ етекшиси Султан Хамзаев.
– Сергей Алимович муниципаллык туьзилислеринде заман-заманы ман ис аьрекети бойынша болувы ман бас маьселелерди аянлап эм тергеп калмай, олардынъ аьр кайсысын да тармакларга боьлип, белгилеп коьрсетти, – деди ол.
Дагестаншыларды куьн сайын кыйнайтаган коммунальлик инфраструктура, йол тармагы ман байланыслы болган соравлары шыгарылып энъ йогары оьлшемде каралдылар. Видеоконференция аьлинде озгарылган йолыгыста айырым фактларда, регионымыздагы ислердинъ тешкеруьвли тергевинде негизленген эди. Бу Россия етекшисине Дагестан Аькимбасыннан аьдемлеримиздинъ кызыксынувларын коьрсеткен сапатлы, маьнели доклады болды. Оьз соьйлевинде Сергей Алимович Дагестаннынъ коьп миллетли халкынынъ маданиятын байлап келген белгили Расул Гамзатовтынъ 100 йыллык мерекесин байрамшылавына багысланып озгарылаяк шараларды да белгиледи. «Сол шаралар Дагестанга уьйкен суьйими мен баскаланатаган Россия етекшиси Владимир Путиннинъ бас конак болып катнасувы ман халк оьзгериси болып озгарылмага тийисли деп санайман», – деди Султан Хамзаев.