Дагестан Республикасынынъ Аькимбасы Сергей Меликов ДР Халк Йыйынына каратылган Язбасы ман шыгып соьйлеек.
Озган йылларындагындай болып, регионымыздынъ басшысы республикамыздынъ баьри яктан да оьрленуьвине каратылган соравларды белгилеек. Сондай бас соравлардынъ бириси – дагестанлылардынъ яшав аьллерин ийгилендируьв.

Мен ясуьйкенлер несилининъ ваькили эм ямагат организациясынынъ етекшиси болганга коьре, оьзиме ювык деп яшавшыларды социаллык яктан аьжетсизлевди эм коьтергишлевди санайман. Энъ де баслап сол категорияга ясуьйкенлер, коьп балалы аьеллер, СВО катнасувшыларынынъ аьеллери киредилер. Соны ман бирге мен Сергей Алимович Язбасында билимлендируьв тармагында яслар политикасын оьткеруьв, ата-бабаларымыздынъ ийги аьдетлерининъ негизинде ясларда патриотизм сезимлерин тербиялав акында айтканын куьтемен. Яс несилге биз коьрим этип СВО сырасында куллык этип турган йигитлеримиздинъ баьтирлигин коьрсетпеге керекпиз.
Дагестан Республикасынынъ Аькимбасы Сергей Меликов дурыс йол ман алып барады регионымызды, ол биринши орынга аьр бир яшавшысынынъ каьрин шегуьвди салады. Биз, дагестанлылар, республика басшымызды коьтергишлемеге керекпиз.
А.Сангишиев,
Ногай районынынъ Савытлы куьшлерининъ, правосаклав органларынынъ ветеранлар советининъ председатели.