Россия Президенти Владимир Путиннинъ гражданларды Савытлы куьшлер сырасына шакырувдынъ толы болмаган мобилизациясы акында эткен шакырувы эндигиси Куьнбатар эллери кызыл сызыкты оьткени эм Украина еринде НАТО куьшлерининъ аьрекетин толы кепте бузув уьшин Россия оьз ягыннан баьри амалларды да коьрееги акында билдиреди. Украинадынъ доьрт те областьлеринде оьткерилеек референдумды белгилей келип, бизим Президент бу ерлердинъ Россия сырасына кируьви россия аьскерлерининъ алдыга коьтерилуьвине янъы куьш береегин анълатады. Соннан себеп бу областьлер Федерация санына косылганнан сонъ, Россия оьз ерлерин коршалав уьшин баьри де керекли амалларды кулланмага толы ыхтыяры барлыгына шексинмеске керекпейди.
Сол ок заманда Владимир Путин эндигиден армаган Украинада юритилип турган специальли согыс операциясынынъ уьстинлиги уьшин яваплы болатаган аьдемлердинъ саны кенъейтилуьви эм аьр ким оьз еринде намыслы куьйде ислемеге борышлы экенин эм сол зат, соьзсиз де, элдинъ суверенитетин коршалавга дем береегин анълатады.
Эндигиси шетте олтырып карармыз дегенлердинъ ой-ниети бажарылмаяк.
Амирхан Межитов,
«Единая Россия» партиясынынъ Ногай ерли боьлигининъ толтырувшы секретари.