Юма сайын Ногай районынынъ администрациясында болатаган кезекли йыйынында, бизим районымызда «Россия халклары: Ногайдынъ асабалары» деген документальли фильмнинъ согылаягы акында соьз коьтерилди.

Ногай район еринде аьрекетин бардыратаган учреждениелер етекшилерининъ, авыл поселениелер басларынынъ эм ямагат организациялар ваькиллерининъ алдында Ногай районынынъ администрациясынынъ орынбасары Хамидулла Саитов сол фильмнинъ согылув йорыгы акында айтып озды. Онынъ билдируьвине коьре, уьстимиздеги йылдынъ коькек айынынъ 26-ншы куьнинде Ногай районына «Ямагат проектлерининъ лабораториялары» АНО куьби келеек. Бу куьп, билдирип озайык, Россия халкларынынъ аьдетлери эм маданияты акында документальли фильмлер согады эм Пятигорск каласында СКФО-да РФ Президентининъ полномочный ваькилининъ аппаратынынъ эм яслар ислери бойынша Федераллык агентствосынынъ колтыклавы астында ислейди.
Ногай районынынъ администрациясында фильмди согувды уйгынлав уьшин Хамидулла Саитовтынъ етекшилеви астында ис куьби туьзилген.
Суьвретте: А.Биймурзаева.