Янъы Уренгой каласындагы 3-нши от туьсуьвден куткарув бойынша куьбининь етекшисининъ орынбасары, ишки служба подполковниги Амирхан Мытыевке Ямал Ненец автоном округы бойынша губернатор Дмитрий Артюхов губернаторыннан «Йигитлик эм йигерлик уьшин» медалин оьзи шатлыклы аьлде тапшырды. Бу ис орынында Амирхан Сулейманович 2001-нши йылдан алып куллык этеди. Оьз аьрекетин ол Ямал Ненец автоном областининъ Коротчаево каласында баслаган.

Ол коьплеген от туьсуьвлеринде катнасып келген. Бир кере оьз йолдаслары ман бирге автоном округындагы газ тармакларынынъ бирисинде от туьсуьвин тымдырувында ортакшылык этти. Оьткен йылдынъ карагыс айынынъ уьшинши куьнинде туьннинъ 2 саьатинде уьйде болган, сол заман майор Мытыев тез аьрекетлеп от туьскен ерге етти. Келгенлей ок, Амирхан Мытыев, був-ава катыслыгынынъ атылувы тамамында резервуар янып баслаганы ман ол тагы да атылмага, солай болып, тоьгилип газ конденсаты тундрага яйылмага болатаганын эм тоьгерекке уьйкен йойым аькелмеге болаяк коркынышы барын аян анълады.
Соьйтип, Амирхан Мытыевтинъ етекшилиги астында газ эм туьтиннен коршаланув службасынынъ бир куьбин ярдамга йибермеге деген токтас алынды. Онынъ йигерли аьрекетлеви мен янатаган резервуарында кавыфлы факторлары аркалы иссиликтинъ яйылып баслав аьллеринде пенопроводлардынъ кайтадан аьрекет этип баславы бойынша борышы толтырылды эм аьдеттегиден тыскары аьлдинъ болмага болувы (2500 тонн газ конденсатынынъ тундрага тоьгилип яйылувы эм техногенлик от туьсип яйылувы) токтатылды.
Аьдем яшавына коркыныш тувдырылган аьллеринде сол йигерли аьрекетлеви уьшин Амирхан Сулейманович Мытыевке «Йигитлик эм йигерлик уьшин» деген медали тапшырылды.

Суьвретте: Амирхан Мытыевке савга тапшырылув мезгили.