Ногай районынынъ сыйлы яшавшылары, аявлы ердеслер!

«Ногайский район» МР администрациясынынъ эм «Ногайский район» Депутатлар йыйынынынъ атыннан сизди Россия халк бирлигининъ куьни мен кутлайман.
Бизим коьп миллетли элимиз уьшин бу бек маьнели байрам. Онда тарих эм аьлиги яшав, бизим халкымыздынъ миллет касиет белгилери эм бай анъ-акыл аьдет йорыклары коьрсетиледи. Баьри заманларда да россиянлыларга оьз ара тыпаклык эм бирлик деген болганы аян енъуьвлерге, ис уьстинликлерге етиспеге демевлик эткен.
Муннан доьрт юз йыллардан артта социаллык куьплери, миллетлиги эм тутатаган динлери яктан туьрли аьдемлер Кузьма Минин эм Дмитрий Пожарскийдинъ басшылыгы астында бизим Элимиздинъ эркинлигин эм бойсынмаслыгын саклав уьшин бирлескенлер.
Бу оьзгерислердинъ баьри сонъгы несиллер уьшин бек уьйкен маьнелиги бар. Сол заманда туьзилген халк аьскерлерининъ йигитлиги бу куьнлерде де биз бир халк экенлигимизди эске салады.
Ногай районында тынышлыкта эм тил бирликте туьрли маданияты, миллети, конфессиялары эм аьдет-йорыклары болган халк ваькиллери яшайдылар.
Бизим районды туьрли яктан оьрлендирмеге деген ортак шалысув бизди тек бирлестирип калмай, онынъ экономикалык, маданият эм анъ-акыл болымлыгын яшавга шыгарувда тувган кыйынлыкларды енъмеге, салдарлы сырагыларга етисуьвге демевлик этеди. Биз бирге районымызда онъайлы, ийги ярастырылган эм уьстинликли оьрленген яшав туьземиз.
Оьзининъ каныгыслы иси мен элимиздинъ эм тувган еримиздинъ яшавында катнаскан, Россия халк бирлигин беркитуьвге себеплигин тийгистетаган баьрисине ак юректен разымыз.
Сизге эм сизинъ аьеллерге тынышлыкты эм ийгиликти, онъайлыкты эм берк ден савлыкты.

«Ногайский район» МР администрациясынынъ аькимбасы Д.Эсиргепов.