Бала баьрине де ортак. Соьйтип, тенъ-досларымыздынъ, кардаш-тувганлардынъ балалары уьстинликлерге етиссе, юрегимиздеги коьнъил де йогарыга етеди. Аьлиги заманда уныкларга куьезленемиз, бир заманларда кишкей аьвлетлеримиз буьгуьнлерде аьел курып, балалы-шагалы болып турылар. Сол да кайдай куьез ата-аналарга.

Орта-Тоьбе авыл яшавшылары Хасанбек эм Алтын Дуйсакаевлер уьш кыз оьстирдилер оьз аьелинде, аьлиги заманда олар баьриси де оьз аьвлетлерин тербиялайдылар, нагашатай ман эней болса, йиенлерге куьезленип, олардынъ баьри айтканын да этип, суьйинип турадылар. Алтын-кыймасым туьрли зияпетлер писирип, йиенлердинъ алдына салады. Хасанбек йиенлер-кеделерди эр кисидинъ касиетлерине уьйретеди, кызларды эркелетеди. Яй куьнлеринде олардынъ уьйи балалардынъ завыклы сеслерине толады.
Сафия Махсутова быйыл сары тамбыз айынынъ 15-нши куьнинде 6 ясына толаяк. Ол – Москва каласындагы «Буратино» балалар бавынынъ тербияланувшысы. Анасы Байрамбике Хасанбек кызы сол ок балалар бавында тербиялавшы болып ислейди.
Сафия – бек оьткир, талаплы бала. Ол окып та, санап та болады. Кайтип ярасык этип Сафия ясайды, онынъ суьвретлери балалар бавында озгарылатаган суьв- ретлер выставкасында коьрсетилинеди. Кызалак ИЗО бойынша «Веселые ладошки» деген кружокка юреди. Сафия суьвретлеринде тоьгеректе коьретаган затларын ясайды, ол шешекейлер ясамага суьеди.
Онынъ оьнери йылдан-йылга оьсип-оьрленип, ювыкларын суьйинтип турсын.
Г.Бекмуратова.
Суьвретте: Сафия Махсутова.