2023-нши йылдынъ канътар айынынъ биринши куьниннен алып Россияда, балаларга эм шаркы авыр хатынларга тоьлев берилип басланаяк. Сонынъ акында «Шоьл тавысы» газетасынынъ куллыкшысына Ногай районы бойынша РФ Пенсионлык фондынынъ етекшиси Мадина Абдулалимова билдиреди.

– Россия Федерациясында, сонынъ ишинде Дагестанда да, бир неше тоьлевди бириктирген универсаллы тоьлев бизде де 2023-нши йылдынъ канътар айынынъ биринши куьниннен алып берилип баслаяк, – дейди ол.
Анълатып озайык, сол тоьлевди эртеректен эсапка алынган хатынлар, уьш ясына толмаган, уьштен сегиз ясына де- йим, сегизден алып он ети ясына дейим балалары бар колайсыз яшайтаган аьеллер алмага ыхтыярлы. Бу ерде аьелге келетаган баьри материаллык келим де саналады.
Социаллык тоьлевлерди алмага тийисли аьдемлер аьризелерин «Госуслуги» порталыннан, МФЦ-да эм Ногай районы бойынша РФ Пенсионлык фондына келип бермеге боладылар.