«Мен тавысымды элимиздинъ эм яс несилдинъ келеектегиси, соны ман бирге дени сав Россия уьшин беремен». Россиядынъ гражданлары Государстволык Думасынынъ сегизинши шакырувына депутатларды сайлайдылар. Уьстимиздеги 2021-нши йылда сайлавлар уьш куьн узагына 17-19 сентябрьде оьттилер. Мен оьз тавысымды бермеге сайлавлардынъ уьшинши – негизли куьнинде 1199-ншы номерли сайлав участогына бардым.

Сайлавлардынъ уьш куьн узагына оьтуьви яшавшылар уьшин бек онъайлы, белки, биревлер – куллыкта, баскалар Ногай районынынъ тысында болмага боладылар. Тавыс беруьв уьш куьн узагында элимизде онъайсыз эпидемиологиялык аьл болганнан тура, коронавируслы юкпалы маразынынъ яйылувыннан сакланар ниетте озгарылады. Соны ман байланыста сайлав участогында сакланув амаллар тутылдылар: бир кере кулланылатаган маскалар, калемлер, резин колгаплар бериледи. Ол зат сайлавшылардынъ ден савлыгы ман байланыслы сорав биринши орында экенин айтады.
Бу куьнлерде элимизде янъы мектеблер, балалар бавлары, больницалар салынады, яслар коьтергишленедилер. Туьрли федераллык эм республикалык проектлер яшавга шыгарыладылар. «Земский доктор» эм «Земский фельдшер» программалары аьрекетлейди. Медицина учреждениелери янъы, заманга келисли медицина алатлары ман канагатланадылар, солай ок тезлик ярдам коьликлери бериледи. Мен бек суьемен эм ынанаман, сол йол алган проектлер келеекте де яшавга шыгарылаягына. Ол бизим аьр биримиздинъ сайлавымызга бойсынады», – дейди «Ногай ЦРБ» участок врач-педиатры Амина Махмудова.
Суьвретте: А.Махмудова.