Терекли-Мектеб авылынынъ А-Х.Джанибеков атындагы мектебининъ 5-нши классынынъ окувшысы Алан Тулумбаев сочинение язган, ол оьзининъ авылдасы, Батыр-Мурза авылында тувган Даниял Шандиевке соьзин каратады. Даниял аьлиги заманда Украина еринде оьтип турган специальли согыс операциясында катнасады. Ол язады: «Мен бу хатты Даниял Шандиевке язаман. Украина еринде спецоперация басланганда, ол оьз Аталыгын коршаламага кеткен. Даниял Шандиев – батальон командири, аьскершилер оны сыйлайдылар. Ол баьримизди де коршаламага кеткен – элимизди, аьелин, бизди. Даниял, биз, сенинъ ердеслеринъ, сага сенемиз, сен куьшли, йигерли. Сен явды енъерсинъ, оьзинъди сакла! Батыр-Мурза авылы сени куьтеди. Саламшы Алан Тулумбаев.»
Даниял Шандиев сондай хатка бек суьйинди. Ол ога куьш берди, енъуьвди аькелермиз деген ойды, сенимди берклендирди. Даниял биледи, оны уьйде куьтедилер, ога сенедилер. Даниял Аланга савбол айтып, окувында эм келеектеги яшавында уьстинликлер эм ийгиликлер йорады.
Бизим хабаршы
Суьвретте: Д.Шандиев